Monday, May 19, 2008

أول خطوة


أيعقل - بعد كل ما كان - أن أشعر بكل تلك الراحة و السكينة و الدفء!!

أيعقل أني عثرت عليكِ بعد ما كان مني من تعاسات و اخفاقات و عثرات!!!

كان الرزق أول ما تذكرت من نعم حين تفكرت للحظة أنكِ هنا بجانبي

أيقنت حينها أن القدر أراد أن يمنحني فرصة جديدة للحياة

فها هو يلقي بكِ في طريقي قبل لحظات من قراري الأخير... أقصد انهياري الأخير

لأودع زمن النهايات و أدخل معكِ عصر البدايات

فكنتِ أنتِ أول نافذة أفتحها علي الحياة

ليباغتني شعاع من نور ينعش أطلالي

يتبعه طوفان من ألوان يجتاح كياني

فبصيصٌ من أمل يُوقِظ أحلامي

لأحيا أسعد لحظات عمري

حين تتوحد أسمي الأمنيات لتصبح... أمنية

تتلاقي أحلي الأحلام لتصبح... حلم

تختصر أصدق الأدعية لتصبح... دعاء

فينطلق لساني " أنتِ أجمل أمنية و أحلي حلم و إن شاء الله هيتحقق"


28 comments:

حمامة said...

الحمد لله
اول رد
:)

حين تتوحد أسمي الأمنيات لتصبح... أمنية

تتلاقي أحلي الأحلام لتصبح... حلم

تتوحد امنياتنا
تتلاقى احلامنا
معاً نتمنى ومعاً نحلم
ومعاً نخطوة خطوتنا الأولى على طريق حلمنا
ومعاً ايضاً نستكمل الطريق
ومعاً طريقنا سينتهى
إن شاء الله تعالى

ربنا يخليك ليا

:):)

قلب ينبض لله said...

فبصيصٌ من أمل يُوقِظ أحلامي

لأحيا أسعد لحظات عمري

يارب دايما تكون حياتك كلها سعادة
كلامك أثر فيا اوي واتمنيت امنية كدا يارب تحقق:)

بس علي فكرة انا اول رد لان رد صاحبة البلوج مايتحسبش اول رد :D

سلام ياقمر

كاميليا said...

تتوحد امنياتنا
تتلاقى احلامنا
معاً نتمنى ومعاً نحلم
ومعاً نخطوة خطوتنا الأولى على طريق حلمنا
ومعاً ايضاً نستكمل الطريق
ومعاً طريقنا سينتهى
إن شاء الله تعالى

ربنا يخليك ليا
..........

يارب ، ربنا يخليه لك ويخليكى له
ويسعد قلوبكم يارب
ويجمعكم فى الخير وعلى الخير

انا قلبى وجعنى

اوعوا تسيبوا إيدين بعض
اوعوا
مهما كان


تحياتى

إبـراهيم ... معـايــا said...

طبج ما انتا بتكتب حلووو أهه يا غراب :)، أمال إيه الأوشاعة اللي أنا مطلعها عليك دي ؟؟؟ ...........
ربنا يكرمكم .. ويسعدكم يااااارب
.
.
تحياتي، ونشوفكم على خيـر

زيزو الشقى said...

انا مدون جديد

دى اول زيارة ليا


مدونتك حلوة اوى ودمها شربات

عز الدين


سلااااااااام

غراب said...

السلام عليكم و رحمة الله و بركاته
...............................

أمنيات...
أحلام !!
لم تعرف تلك المعاني لقلبي طريقاً من قبلِك
فمنذ القدم - كما تعلمين - وأنا لاأجيد الأحلام
معكِ وُلِدَت الأماني و ترعرعت الأحلام
:):)

غراب said...

السلام عليكم و رحمة الله و بركاته
..............................

قلب ينبض لله
...........
يارب أمانيكي كلها تتحقق
منورانا دايما :)

كاميليا
........
سلامة قلبك
و شكراً ع الدعاء الحلو دة
منوانا :)

إبراهيم...معايا
................
كل دي إشاعات و كلام مالهوش عندك إثبات :D
شكراً علي الدعاء الجميل
منورنا :)

زيزو الشقي
...........
منورنا :)
و نتمني متكونش آخر مرة

fanan fa2eer said...

رقيق قوي وبسيط جدا


ربنا يخليكو لبعض

monaliza said...

ياه مااجملها من كلمات توحى بعدم فقد الامل وان القادم اجمل بكثير مهما بان لنا العكس
كلمات رائعة سلمت يداك

سنووايت said...

كلما قرات موضوع علي مدونتكم أشعر بحالة من الحب وصدق المشاعر ورقة الاحاسيس
كلمات عذبة جدا
ويارب يتحقق الحلم وتصبح الامنية حقيقة في اقرب وقت
يااااااااااارب

دعاء مواجهات said...

إية بس الجمال والكلاام الراقى الجميل اوى دة بس ياقمر

بس تعرفى احلى حتة عجبتنى

نختصر كل الأدعية لتصبح دعاء

هههههههههههههههههههه

دعاء انا؟؟

اكيد لا

بس عجبتنى بردوو

بتنورينى ديما

سلااااااااام

دعاء مواجهات said...

اية دة انا مخدتش بالى

الكلام لغراب فعلا؟؟

ربنا يجمع بينكم على خير ياارب بس ابقوا اعزمونا بقى

بدووب اوى من الاحاسيس الصادقة دى واحب كل الناس تحسها

ربنا بوفقكم

خبيب said...

مشاعر قوية كالعادة

:)

وأحاسيس رقيقة ..

تحياتي إليك

غراب said...

السلام عليكم و رحمة الله و بركاته
...............................

fanan fa2eer
.............
نتمني نشوفك دايما
منورنا :)

monaliza
..........
أكيد القادم أجمل طول كا احنا سوا ان شاء الله
شكراً لتعليقك و منورانا دايماً :)

سنووايت
........
ربنا يسمع منك
و بجد تعليقك و مرورك بيسعدنا :)

دعاء مواجهات
..............
ربنا يسمع منك
منورانا
نتمني نشوفك علي طول :)

خبيب
.....
ربنا يخليك
منورنا كالعادة :)

الفارس الملثم said...

جميله اوي هذه المشاعر, وتحمل قدر كبير من الاحساس الصادق

عندما تصبح كل الاحلام حلم واحد وكل الامنيات امنية واحده وكل الدعوات دعاء واحد ان يصبحا هاتان القلبان قلب واحد ونبض واحد يبتهلان لله الا يفرقهما شئ للابد

تحياتي
محمد

darkskies said...

اتمنى من يكون هذا قد حدث فعلا او بدأ,فمثل هذه المشاعر احلى من أن تكون حقيقة

HANY YASSIN said...

كلمات رائعة
مشاعر رومانسية جميلة
للاسف لم تعد موجودة او توجد لفترات قصيرة ثم تذهب بلا عودة
القلوب تتغير بسرعة مذهلة وجارحة
دمتم بكل ود
خالص تحياتى واحترامى
هانى يس

نتشرف بزيارتكم مدونتى

hanyyassinblog.blogspot.com

في حب مصر said...

كلمات جميلة مفعمة بالاحساس بس يا ترى عن تجربة ولا هي مجرد كلمات صادرة من شخصية رومانسية؟؟؟؟؟؟؟؟؟

ربنا يوفقك بجد وتلاقي السعادة اللي بتتمنيها

شـمو نشـادر said...

كلام جميل .. رقيق .. رائع ..
يا رب يسعدكو ديما ياااااا رب ..
وعقبالى يا رب ..
تحياتى ..
أسامة امين

lyssandra said...

ان شاء الله يحقق كل أحلامكم سوا .. ويكتب لكما السعادة ..

أسلوب منمق جدا ..

تقبل تحياتي

lyssandra

غراب said...

الفارس الملثم
.............
عندك حق جدا
فعلا بيبقوا نبض واحد لنفس القلب
منورنا دايما :)

darkskies
..........
حدث بالفعل :D
لأ دي الحقيقة أجمل من أي كلام
منورنا :)

hany yassin
.............
لأ موجودة بس صعب تلاقيها مع أي حد
منورنا و نتمني متكونش الزيارة الأخيرة :)

في حب مصر
.........
مش مجرد كلمات
منورنا :)

شمو نشادر
..........
ربنا يسمع منك
و عقبالك يا سيدي :D

lyssandra
...........
ربنا يسمع منك
و شكرا لكلامك الجميل
منورة :)

arsenalwy said...

كلمات جميلة ياحمامة

فعلا احلى حاجة لما ربنا يحط فى طريقك حاجة انتى بتحبيها وتخليكى فى قمة السعادة

صاحب المضيفة said...

الله الله لعى الابداع يا مبدع


ربنا يكرمك ويبارك فيك يا رب



تحياتي

غراب said...

arsenalwy
...........
بتحس فعلا أن ربنا بيحبك
منورنا :)

صاحب المضيفة
............
أخجلتم تواضعنا
منورنا :)

HelSiNg said...

ربنا يحقق احلامك

بوست جميل كالعادة

تحياتى

غراب said...

helsing
........
آمين يارب العالمين
منور كالعادة :)

بنت مصريه said...

كلمات جميله فعلا بس
فيها شويه يأس وحزن
هون على روحك يا اخى
اتمنى تنورنى

يمامة شاردة said...

أنا دايما أدخل المدونة هنا

أقرأ

و أبتسم

و أدعي لكم من قلبي


و بعدين أخرج في صمت

حبيت بس أعرفكم إني باجي كتير .. بس مش بمضي حضور
:)