بدونك

لا أشعر بذاتي إلا معك ...

بدونك و كأن الحياة تتسرّب من بين يديّ

و أنا أشاهد ذلك صمتاً او عجزاً ..

بدونك لا أنجز شيئاً

,,,

مأزق

لم تكن تلك تصوراتي عن الحياة الزوجية .. معك
ولم أتوقع أن أترك ذاتي تتعمّق كل هذا .. فيك
ولم أتخيل أنى سأفزع هكذا عندما علمت أننى سأهتم بطفلِ آخر .. غيرك

أكره المساء

أكره ذلك المساء .. أشعر فيه حقاً بالسوء
لأنه ينبأ بأنتهاء لحظاتي معك ..
ليأتي الصباح ومعه شوق جديد للقاء .. فتجدد كل يوم قصة هوانا

بحياة جديدة .. أبدأ من جديد

حياة جديدة خالص .. كل حاجة فيها جديدة

المكان .. الأشخاص .. الأحداث

ولأني كنت بدور على مكان اكتب فيه على راحتي

وجيت هنا لسبب تاني .. فليه لأ

اول مكان جمعنا واحنا اصدقاء وكمّل معانا المشوار

وحشتيني يا مدونتنا :)

متاخرة ..

يمكن متأخرة بس حبينا نبلغ المدونة

:):)

مبارك لنا يارب

وسط ضجيج الحيرة .. لحظة وضوح

كثير من التخبّط والحيرة

طريق مبهم .. ومصير لم يتبّين بعد

كُلٌ منّا خلق لقدرٍ ما .. حكمة ما

و ليغير في هذا العالم القبيح شىءٌ ما

حتى الآن

لم أتبّين طريقي بعد .. ولم أٌدرك ما علىّ تغييره

ما أعرفه فقط أنك أنت وحدك قدري

وربما تكون طريقي أيضاً

ليتأكد لي مرة آخرى أنك انت تغييري .. وأنت عالمي

وليس علىّ أن أبحث بعيداً

فعالمي حولى تماماً


:):)

مواجهة

لم يعُد الهروب يُجدي مع الحنين
قتل الشوق حتماً يُميت القلب
وبما أنني اشعر بقلبي يُدمي ولا اكترث
فلابد من تطيب الجرح
إن لم يكن تواً .. فربما غداً او يوماً ما

***



مش عارفه هافضل اهرب منك لأمتى يا مدونتي
الدنيا وخداني سواء ف فرح او حزن
مبقتيش انتى اول مكان اجري عليه
عايزة احس انى عروسة وبجهز
عايزة ابقى تاجرة شاطرة
عايزة احب
مبقتش بعرف اعمل كل حاجة ف وقت واحد زي زمان
حاجات كتير تاهت مني ومبقتش العيلة الصغيرة اللى بتحب الورد
والفراشات ومؤمن وصفية وبس

وحشتيني يا مدونتي

وحشتوني كلكوا وفكراكو اسم اسم ومدونة مدونة

وحشتيني يا يارا

انا تعبانة بجد

شوق مطر

اشتقت لشتاء

ذو غيوم .. ومطر

أنا وأنت

ببحر

أو

نيل

وابتسامة دافئة

منك

:):) اشتقت إليك

يارب

يارب

لقد ضعفت ... ولاغيرك يقويني
لقد يئست ... ولم أفقد فيك يقيني
لقد ضللت ... ولا سواك هاديني
لقد غرقت ... وأنت فقط منجيني


يارب

ارحمني في لحظة ضعفي
وابعد عني شيطاني ونفسي
واهدي لي قلبي وعقلي
واغفر لي خطيئتي ويأسي


يارب

إلى من أشكي وأنت موجود
ولمن أبكي وبابك غير مردود
ومن أدعو وأنت فقط المعبود
ومن أرجو ورجائي فيك غير محدود



يارب

اجعل عفوك عني دائم
ورضاك عليّ قائم
واجعلني عن الذنوب نادم
ولباب توبتك قادم


يــــــــــــارب

بوست واحد لثلاث مناسبات

ونداء البحر أقوى

***

استراحة ربما في وقت مناسب جداً

فها قد مرّ بنا عام

وننتظر الآخر

أو لنقل ينتظرنا هو

***

المناسبة الأولي

مر عام من إيام قلائل

الثانية

هنروح البحر وهتوحشونا

الثالثة والأهم

كل عام وانتم بخير

***

افتحوا قلوبكم لرمضان

وادعوا لنا

ونعتذر لكل من كان من المفترض ان نمرّ به

:):)

هبوط اضطرارى شوقاً اليك

ها انا ذا هبطت اضطرارياً

لأغتصب حقك في الحروف واغيّر القوانين

وكمحاولة لزرع راية زهور على جسر قلبك

اتستسلم ؟

***

" انتِ متعرفيش انا بحبك قد ايه "

" عارفه "

" عمرك ما هتعرفي "

يبدو انني لن أكف عن اقتباس كلماتك-

حروفي معلقة بك .. كقلبي

-وكما ذاكرتي تماماً

هناك .. حيث انا وانت والنيل ثالثنا

وكعادته .. يأسر كل الكلمات مادامت لغيره

وكعادتنا .. طوعاً نقبل الأسر

ونصمت

ولكن لم تقبل - كعادتها ايضاَ - اعيننا الصمت

فبغفلة من النيل .. وبصمت .. كانت كل الأحاديث

***

ذات حديثٍ عن ذاكرة طفولة

تذكرّت

ان لا ذاكرة لي منذ حبك .. منذك

*****

انا لك وبك ومنك

:):)

محتاجة اكبر شوية

عندما بلغا حافة العشق نظرت إلى عينيه الضيقتين

ايه اكتر حاجة بتحبها فيا -

قلبك -

***

" محتاجة تكبري شوية "

أصبحت شكوتها - ولو بداعي قوي - تجلب عليهما المشاكل

فصار عليها انها تكتمها عنه أيضاً

وتدعيّ ان كل شىء على ما يرام

فكان أن افسح له هو الآخر مساحة للغضب بداخلها

وأصبحت عينيّ سخمت تلمع بالحمرة منتظرة ان تبدأ بالأنتقام

ولكنها كانت على يقين انها لا تملك الشجاعة الكافية لذلك

وأن سخمت تلك ستتقهقهر سريعاً خلف اسوار الخوف وتسقط أسيرة للدموع

فتتكور ف أحد الأركان مربته هي على كتفيها ببراءة طفل يتيم

لتصبح الكائن الأضعف ف العالم

***

سخمت : إلهه مصرية قديمة مختصة بالحرب

( من وحي رواية "ن" لسحر الموجي )

وعلشان اللى مقراش الرواية سخمت المقصود بيها

انا ف حالة الغضب :)

معاقبة

كما لو أنني اعاقبني بالحزن

ولكن

ليه ؟؟؟

أحِبُكِ أكثر

هي: أنت بتحبني أد ايه ؟؟
هو: أنا بحبك أد البحر
....


أتدرين...

يتضاءل ذاك البحر حين أصِف حبي لكِ
و يصبح - علي كِبَرِه - دمعة تنحدر من عيني شوقاً إليكِ

..

البوست ده كمان غراب اللي كاتبه وكان منشور بالأكونت بتاعه

المدونه فيها عفريت ولا ايييييييييييه :(

لحظة وداع

ذات لقاء اعتيادي مختلف
وباستعراض للسيناريو المتكرر بحلقة من الشجار
متبوعاً بموجز مفاوضات وكخير ختام.. الصلح
حينها جاء السؤال بغتةً...
" لِمَا تركتني أحبك هكذا ؟ "
فتجتاحني كل أطياف عشقك
و تباغتني كل الهواجس ممزوجة بوجع الاشتياق




كوداع .. لم يرضني رحيلك
فكانت توسلات نظرات ملبدة بالدموع.. مِنك
" لا تبكِ.. من أجلي "
وبضحكة ساخرة.. مِني
" بل لأجلِك.. أبكي "

بنافذة..
شيَّعتك بنظرات أرسلت بها طيوف حمايتك
منتظرة التفاتة طريق .. لَمْ تأت
فانتظرتك - كعادتي - لتأتي
فأيّاك أن تتأخر عنّي

..

...من الدفاتر القديمة

لمَّا تسكت اوي في وقت تكون محتاج اوي انك تتكلم
و كل ما تحاول تتكلم تلاقي في حاجة من جواك بتقولك ما تتكلمش
و كل ما تحاول تتكلم تحس انك بتتعب اوي اوي اكتر و اكتر

لمَّا تتعمد انك تبعد عن حد بتحبه بارادتك الكاملة
و كمان تبطل انك تقرب منه و تبطل تحاول ترجع علاقتكم ببعض زي الاول
و مهما حاولت تقرب تلاقي نفسك بتتعب نفسك اكتر من انك تفضل بعيد

لمَّا تتغير اوي اوي من جواك
حاجات كتير اوي تتبدل من جواك
و نظرتك للامور تختلف عن الاول بنسبة كبيرة جدا
و حاجات كانت تعتبر من الاساسيات في مبادئك و حياتك
تلاقيها بتخرج من تفكيرك تماما
و تحاول انك تعرف الأسباب فتتحير اكتر

لمَّا تحس انك بتموت كل حاجة حلوة جواك
و بتحط مكانها حاجات تافهة و هايفة و ملهاش لازمة
و بتحاول تحط نفسك في جو مش بتاعك و انت غريب عنه
و انت كمان متاكد ان عمرك ما هتكون مستريح لما تعمل كدة
و تحاول انك تبطل محاولاتك الفاشلة عشان تكون في الجو اللي مايناسبكش أصلاً و متعرفش

لمَّا تكون تعبان اوي من جواك و اقرب الناس يسألك مالك فتسكت
و متكونش عارف تقول اللي جواك زي ما هوة بالظبط
و تكون حتي مش قادر مع نفسك تقول اللي انت تعبان منه
و كل ما تحاول تقوله متقدرش و تسكت اوي اوي

لمَّا تكون عايز تعبر عن اللي جواك و مش عارف و مش قادر و مش عايز
مع انك بتكون محتاج اوي انك تقول انا بحب انا متضايق انا زعلان انا تعبان انا محتاج لحد جنبي
انفعالاتك كلها بقت شبه بعضها كله بقى واحد
بتكون تعبان أوي و مش عارف تقول : آه الحقوني يا جماعة

لمَّا تصد حد بيحاول انه يقرب منك
او يحسسك انك حد مهم بالنسبة له
و كمان مش عايز تعمل اي خطوة تفهمه انك حاسس بيه
مع انك محتاج اوي انك تعيش احساس القرب و الاهتمام

لمَّا تبطل تعمل حاجات كتير كنت بتحبها
و تبتدي تعمل حاجات ماكونتش طايقها
و توهم نفسك انك مبسوط و متأقلم

لمَّا تحس انك عايز تستريح و مش عارف
عايز تخلي عقلك يبطل تفكير برده مش عارف
عايز تحس و لو للحظات ان مفيش مشاكل
و انك في فترة نقاهة من التفكير
انت ساكت مبتتكلمش مع حد
بس جواك بركان من الافكار

لمَّا تحس انك عايز تبعد عن كل الناس و تكون لوحدك
و تبدأ من جديد من أول السطر
تبعد بعيد اوي عن اي حد ممكن يأثر عليك و لو بهمسة
و تلاقي انك مربوط بالف قيد يمنعك من الحركة

لمَّا تقعد مع نفسك و تكتشف انك واحد تاني
خالص غير اللي انت عرفته قبل كدة
و تدور علي نفسك متلاقيهاش في اي مكان من الاماكن
اللي كانت دايما بتكون موجودة فيه دايما
و تعرف ساعتها انها بعدت عنك اوي لانك
ظلمتها و قسيت عليها كتير اوي قبل كدة
و تقعد تدور و تدور و تتعب اوي لدرجة انك ممكن تتوه و انت بتدور عليها

لمَّا تحس انك مش قادر تسامح اي حد كان سبب
في مشكلة حصلت لك في يوم من الأيام
و عايز تصرخ في وشه و تقوله : اللي انا فيه دلوقتي انت السبب في جزء كبير منه
و انك مش قادر تسامح حتي نفسك اللي ادت له الفرصة انه يأثر عليها بالشكل دة

لمَّا تندم علي كل لحظة اديتها لحد ميستحقهاش
و علي كل ثانية ضحيت فيها عشان حد مبيقدركش و لا بيحس بيك
و لما تندم علي كل شعور جواك بيخليك تحن لناس عمرهم ما فكروا فيك أصلاً

لمَّا تحس انك بتخسر حاجات كتير من حواليك
و ناس غاليين عليك اوي بتفقدهم بكل بساطة
و مش قادر تتحرك و لا تعمل حاجة عشان يفضلوا جنبك

لمَّا تحس انك بتفقد كل حاجة كانت بتميزك
و تخليك دايما مختلف عن اللي حواليك
و تحاول تدور عليها عشان ترجعها و متلاقيهاش

لمَّا تحس ان مفيش فايدة من اي كلام
و انك مهما اتكلمت مفيش اي حاجة هتتغير من حواليك
و تحس انك مش قادر تغير اي حاجة بتحصل حواليك

لمَّا تحس كل اللي فات دة كله و اكتر كمان
تفتكر انك ممكن تكون عايش ازاي ؟؟
و ايه اللي جواك ؟؟
بتفكر في ايه ؟؟
بتتعامل مع الناس ازاي ؟؟
امتي تستريح ؟؟
امتي تعرف تفكر بهدوء ؟؟
او من غير هدوء حتي !!

حاولت اني اجمِّل الكلام شوية بس معرفتش
لاني ما اعتقدش انه ممكن يتقال غير كدة
..

10/10/2007

..


:D احم احم .. ملحوظة

صاحب البوست الأستاذ مؤمن ..غراب يعنى

بس حصل لخبطة ف النشر بس

:)

ثرثرة كانت يوماً تحت المطر

حقاً اننا في هذا العالم لا ينشغل كل منّا إلا بذاته

همومه ومشاكله .. سعادته وفرحه

وكأنه لا يوجد بالعالم غيره وحده

***

تلك الحالة التي تأتينا حيناً

-عندما نتذكر احداً- ربما لا تربطنا به اى علاقة من اى نوع

للحظة ما كطيف مرّ بالذاكرة

فتتساءل كيف هو الآن

وكيف انك لم تره .. لم تمّر به .. لم تهاتفه

وبزوال الطيف ينتهي الحدث

***

عندما تنفصل عن الحياة حزئياً لحزنٍ ما او لفرح

ثم يعود بعد فترة كل شىء لطبيعته

فتقرر العودة للحياة

ظناً ان مازال كل شىءٍ على طبيعته

متناسياً قوانين الطبيعه و ان دوام الحال من المحال

فتتساءل أين كنت انا من كل هذا ؟

***
لم اعرفه

لم اره

لم احدثه

تواصلنا فكرياً

وربما ايضاً حرفياً مس كل منا شيئاً في عالم الآخر

محمد
البقاء لله
لله ما اعطى ولله ما اخذ ولا حول ولا قوة الا بالله
ان العين لتدمع وان القلب ليحزن ولا نقول الا ما يرضى الرب
وإنا لله وإنا إليه راجعون

الى عالم انقى واسمي من عالمنا
:) ولك مني ابتسامة حزينة

عزاء متأخر جداً ولكنه واجب لصديق لم اعرفه يوماً

هديةً لك

..في شهر الهدايا .. شهرنا المفضل

شهر عيدنا

افضل شهور الشتاء

مقدمة العام الجديد ..عام الجميع

وعامنا ايضاً ..

صنعت لك شيئاً

بالطبع لا يليق بك

ولكنني صنعته من أجلك

فلتقبله لأجلي

:):)

..

الصورة من تصميمي

لا حديث بعد هذا

كان عندي كلام كتير اوى عايزة اقوله

بس حاسه الكلام ملوش لازمه و لا يهم حد كمان

كل اللي عايزة اقوله من قلبي

اني بجد تعبت وزهقت وقرفت

مش من حد

من نفسي

فيارب يارب يارب

انا والله بحبك

يمكن زي كل الناس

وانا نفسي احبك حب مختلف اكتر من اي حد

وعايزة اكون جمبك

علشان عارفه ان مفيش حد احن عليا منك

خليني احبك يارب

وخليني عندك يارب

بس اهم حاجة تسامحني

...

!! مزايدة منطقية

تزايدنا الأيام على الفرح
ونزايد انفسنا على الحزن
وفي النهاية .. ينتصر - بالطبع - الحزن

! أليس البقاء حقاً للأقوى ؟

..