Sunday, May 11, 2008

أسراراً قلبية


كثيراً ما يخلق القلب حروفً وكلمات

تظل تترد بداخله

ويعجز اللسان عن البوح بها

فتتحول إلى أسرارٍ

لا يمكن إفشاؤها

ربما لأنها لن تجد من يسمعها

وربما إذا أطلقناها فستصبح سهاماً قد تقتل ما عكفنا على خلقه بيننا وبينهم

وهنا يلتزم اللسان الصمت

و يحفظ القلب السر

لتأخذ تلك الكلمات من القلب مسكناً دائماً لها إلى الأبد

فحتماً عما قريب ستتبدد وتزول

مادامت لم تجد أُذناً تسمعها أو لساناً ينطق بها

ستظل يتردد صداها في القلب فقط

ستحيا وتموت فيه

فهي لم تكن يوماً إلا أسراراً قلبية

أما أنا اليوم

لم أعد أملك أسراراً لأخفيها

أصبَحْت بداخلي

فأصبَحَت كل الكلمات والحروف

بك ومنك وإليك

فلنترك الأسرار لهم إذاً

فمازلنا نختلف عن الآخرين
حتى في أسرارنا

:):)


44 comments:

و القادم....أجمل said...

:)
:)
:)
:)
:)

أكمل ابتسامات و لا لأ
بجد جميلة اوووووووووي
الله عليكي

فعلا كتير منا عنده أسرار قلبية
و مش قادر يبوح بيها
موجودة جوه و هتفضل على طول كده


البوست هايل اووووي
الفكرة و الكلام
روووووووووعه

ربنا يسعدكم يااااااااااااااب
و يوفقك يا أحلى حمامة

و سمعني

"هما مالهم بينا يا ليل "

;)

واحد مش فاهم حاجة said...

كان قلب واحد شايل لوحدة

دلوقتى قلبيين يقدروا يشيلوا هموم الجبال

ويفضلوا مرسوم الضحك على وشوشهم

لازم يقولوا

وكل ما يقولوا

قلوبهم بتكبر


روعة الكلمات

حمامة said...

ولاء
متتصوريش انا ابتسمت على كلامك ده اد ايه بجد والله العظيم
تعليقك اسعدنى وحاسة انه اجمل من البوست نفسه كمان
ربنا يخليكي يا عسوله
شكراً على كلامك الرقيق
وميرسي ع الاغنية :D
وجودك دايماً بيسعدنى




واحد مش فاهم حاجة

برضه تعليقك اسعدنى جداً
بجد جميل
شكراً على تواجدك الدائم
:)

lyssandra said...

صعب جدا الاحتفاظ بالاسرار وكتمانها .. والاصعب عندما تذوب بعمق في القلوب .. تترامي أشلاءها علي جدرانه .. تزيده سمكا وقوة وقدرة أكبر علي الكتمان .. وربما يوما القسوة ..

ما أجمل البوح بسر لا يقتلك الندم بعدها أن بحتِ به ..

هنيئا لك .. واسعدي بلا أسرار

تقبلي مروري

lyssandra

بيسوو said...

ممممممم...الموضوع معقد..والقلب ياما بيشيل..وعلى رأي الست زينات صدقي قلبي يا كتاكت ياما انت شايل وساكت

ساعات بيكون الافضل ان الاسرار تعيش وتموت جوة القلب..بس القلب ساعتها بيتقل وبيبقى حزين خصوصا لو حاجة لازم تتقال..ومينفعش تبقى في السر

انتي هايلة على فكرة

Wish I were a Butterfly ... said...

كلمات جميلة أوي أوي، و نهايتها أجمل ما فيها

ساعات الناس بتحس إنها قريبة من بعضها لدرجةبتخلي مفيش مكان للأسرار دي... و تحسي إن اللي قدامك مش محتاج أكتر من إنه يبص في عينيكي عشان يعرف عايزة تقولي إيه

موضوع الكلام و الإحساس اللي بيفضل جوة القلب طول العمر دة فعلا بيحصل معانا كلنا، بس هي ممكن ساعات تكون "اسيرة" داخل القلوب اكتر منها اسرار قلبية

تحياتي للكلمات الجميلة أوي دي

حمامة said...

lyssandra
ساعات فى اسرار تبقي مش قادرة تقوليها
وساعات تانية بيكون في اسرار بتقتلك
وكمان بتضطرى تخفيها جواكى
اجمل حاجة ان يكون فى حد تحسى انك مرتاحة معاه اوى لدرجه ان مش خايفة تغلطى بالكلام قدامه او ان سر هيقع منك غصب عنك لان مفيش اسرار بينكم اصلاً

دام لي وجودك :)


بيسوو العسوله

الاسرار بتغلف الانسان بالغموض
وممكن من كترها تملى القلب وتبقى هتفيض منه علشان كده ياريت نفضى اول بأول
ممكن كمان نفضيها مع ربنا
:)
منورة


Wish I were a Butterfly ...

اول زيارة
منورة :)
انتى قولتى حاجة مهمة وجميلة ف نفس الوقت انك تقولى الاسرار دى
بس بطريقة تانية
بكلام العيون
بجد اجمل احساس والله

ابقي تعالي تانى بقى :)

روح شرقيه said...

السلام عليكم
ممكن اقول انى معجبه جدا
بلكلمات الرقيقه دى
ده مش سر جوايا
انا
الاسرار بتكون ديما كلمات بنخفيها عن الاغراب لكن الاحباب مفيش بينهم اسرار
لانهم بيكونا قلب واحد
تحياتى
البوست فعلا ناعم جدا
واستمعت بوجودى هنا
تحياااااااااااااااتى

سنووايت said...

أسرار قلبية
انا قرات البوست دا بقلبي , قليل ما تقرأي كلام وتشعرين به في ان واحد
هي فعلا اسرار قلبية لا تفارقه
الكلمات جميلة اوي

الفارس الملثم said...

بالتاكيد يا حمامه كل واحد فينا يحمل في قلبه الكثير من الاسرار بعضها نفضي به لبعض المقربين , بينما يظل الباقي في طي النسيان ..

لكننا نظل نبحث عن هذا الذي يستحق ان نفتح له باب خاص به فقط ينفذ به لعمق قلوبنا

جميل اوي المعني اللي في خاطرتك الرقيقه دي يا حمامه

تحياتي
محمد

semsem said...

ربنا يسعدك
:)
تحفه
حاله رومانسيه رائعه

شادي أصلان said...

كلامك جميل اوي اوي اوي
بجد لمسني
اسمحيلي اكون واحد من زوار المدونه الدائمين

قلب ينبض لله said...

فمازلنا نختلف عن الآخرين
حتى في أسرارنا



روعه

فعلا كل واحد مننا له أسرار قلبيه
لحد مييجي واحد ويسكن القلب
فيقرا الأسرار ويعرفها
ومعرفته دي بتحمله مسئوليه كبيرة
لأنه بكدا عرف كل حاجه
فلو زعلنا يبئي هانزعل منه جامد
ربنا مايجيب زعل
:)

حمامة said...

روح شرقيه

اعتقد الزيارة الأولى
فعلاً احلى حاجة بين الاحباب ان المفروض ان ميكونش بينهم اسرار
عايزين نشوفك دايماً بقى :)
نورتى



سنووايت

مفيش احلى من الكلام اللى يلمس القلب
ويشرفني ان كلامي يبقى من النوع ده
بيسعدنى وجودك دايماً :)


الفارس الملثم

اكيد طبعاً
تعرف ان ساعات بيبقى عند الواحد كذا نوع من الاسرار يعنى اسرار عاطفية أسرية او سر عادى ممكن كمان انت تكون شايفه سر وغيرك شايفه عادى
احياناً بقى الانسان يكون عنده شخص معين لكل نوع من الاسرار دى

منورة يا ابو الفوارس :)

حمامة said...

semsem

ربنا يسعد الجميع يارب
نورتينا :)



شادي أصلان

اهلاً اهلاً
شادى بحاله عندنا
اسعدنى مرورك جداً
وبعدين انت بتطلب ايه يابنى
ده احنا يكون لينا الشرف مرورك طبعاً

:)



قلب ينبض لله

صح اوى كلامك
قولتى حاجة تصدقى مكنتش واخده بالى منها فعلاً علشان كده دايماً الناس العادية دى زعلنا منها مش بيبقى قوى اما القريبين بيبقى زعلنا جامد علشان فى عشم بينا

نورتى :)

دواير said...

حروف جميلة....حقا كم هي كثيرة تلك الكلمات التي يعجز اللسان عن النطق بها فيظل محتفظا بها بين ثنايا القلب لينسجها يوما ما حكاية هي حكاية الحياة

صريح أوي said...

هيي
الكلام موزون ومعقول وما أقدرش اقول حاجة عنه
انا بجد سعيد لما بأقرأ هذا الكلام علي المدونات
لكن يا تري يعني ..
يعني

هل لنا أن نطبقه في حياتنا
الموضوع صعب
تحياتي

كيكى said...

الله عليكى ياست حمامة..اييييييييية الجمال دة...كلامك حلو اوىىىىىىىى بجد...تحياتى..مقدرش اقولك تقبلى مرورى..لان الحمار اتسحب منى....هبقى اجى المرة الجاية على خروف....بس ادعى انة يستحمل

كيكى said...
This comment has been removed by a blog administrator.
بنت مصريه said...

الله عليكى بجد
تحفه
ربنا يوفقك تقبلى مرورى

حمامة said...

دواير

لينسجها يوما ما حكاية هي حكاية الحياة

عبجنى التعبير ده اوى
والحب ايه غير الحياة





صريح أوي


ليه لأ
الحب الصادق فى اكتر من كده كمان
منور :)



كيكي

:D

ماشى يا ستى
على كل حال نورتى



بنت مصرية

ربنا يخليكي يا حبيبتى
منورة :)

قلب الأسد..مش هسكت said...

رائع جدا ان اجمل فن فى فنون الحياة هوا فن الصمت

arsenalwy said...

بوست جميل ومدونة اجمل

ياحمامة

مستنى اقترحك عالبوست الجديد بتاعى

Ema said...

الإحساس جميل ...ورومانسي...بس ربنا يقويك عل الأسرار ...لأن كلنا بنحتا نتكلم ونطلع إللي جاوانا
يارت تشرفيني تاني لأني متفاءله بيك لأنك أول المعلقين على مدونتي ودلوقتي في مدونه تانيه
تحياتي

arsenalwy said...

حمامة


انتى تقولى اللى انتى عايزه تقوليه

معلش عندى المرة دى خطأ مطبعى


وأحنا كدة فكرنا فى حاجة بسيطة ومحتاجين مساعدتك ان احنا عايزين نوصل فى خلال اسبوعين ل1000 مدونة ونخليهم يحطوا اللوجو بتاع حملة منع تصدير الغاز ومحتاجينك معانا

مستنى ردك

حمامة said...

قلب الأسد

احياناً يكون الصمت اروع من الكلام
ويتحدث اكثر منه


arsenalwy

ربنا يكرمك
منور



Ema

اسعدنى مرورك

نورتى

واتمنى تيجى على طول

القط البرى said...

دى اول زيارة ليا فى مدونة

غراب وحمامة

هى بصراحة مدونة جميلة اوى

انها اول زيارة ليا وان شاء الله مش هتكون اخر زيارة


محمود

سلاااااااااااااااااااااام

arsenalwy said...

عزيزتى

حمامة

انا صممت حاجة كدة منها صورة ومنها لوجو

http://www.zshare.net/image/12105759293805bb/

دا اللينك وزى ماقلتلك هدفنا 1000 مدونة فى اسبوعين وربنا يوفقنا

عايزك تنشريها فى كل مدونة وكل موضوع ودة طبعا مع التنوية للموضوع وهدفنا منه

اشكرك كثيرا

Miss. Sosa said...

السر عبارة عن طفل بيتولد بريئ ولما بنبالغ ان احنا نخبيه عن العيون بيكبر وساعات يبقي اكبر من ان صدورنا تساعه
فكرتك بسيطة وجميلة

كلام على بلاطة said...

جميل الاسم غراب وحمامة
تحياتى

عمو said...

فمازلنا نختلف عن الآخرين حتى في أسرارنا

تختلفوا عن الآخرين فى كل شئ

فالحب عالم تتبدل عند أطرافة كل الأشياء

ربنا يسعدكم

تحياتى

دعاء مواجهات said...

جميييييييييييل اوى كلااااااااااامك

مليان إحساس ورقة

ياارب يكون فية اللى يستاهلة

مستنياكى تنورينى

حمامة said...

القط البرى

منورنا
ربنا يكرمك على رأيك
ونتمنى نشوفك على طول :)


arsenalwy

حاضر
ان شاء الله ربنا يقدم الله فيه الخير
:)


Miss. Sosa

عجبنى اوى التعبير بتاعك
لما بنخبيه بيكبر اوى
انا عن نفسى مبحبش الأسرار
منورة :)

حمامة said...

كلام على بلاطة

نورت
وشكراً جداً على رأيك
:)


عمو

مرورك بيشرفنى

ربنا يخليك



دعاء مواجهات

ربنا يخليكي يا دعاء
واكيد فيه الحمد لله

:):)

شهرزاد said...

أجمل ما في أسرارنا خصوصيتها
واسوأ مافيها ألا تفشيها ليس لأنها غالية نفيسة لكن لأنها أليمة مريرة
بوست أكثر من رائع يا حمامة

3abdallah 7osni said...

:)
:)
:) :) :) :):)


كلمااااااااااااات فوق الرائعة بصراحة


فهي لم تكن يوماً إلا أسراراً قلبية
أما أنا اليوم
لم أعد أملك أسراراً لأخفيها
أصبَحْت بداخلي
فأصبَحَت كل الكلمات والحروف
بك ومنك وإليك
فلنترك الأسرار لهم إذاً
فمازلنا نختلف عن الآخرينحتى في أسرارنا


نوريتينا فى مدونتا ونتمنى التواصل

خبيب said...

ربما لأنها لن تجد من يسمعها

وربما إذا أطلقناها فستصبح سهاماً قد تقتل ما عكفنا على خلقه بيننا وبينهم

وهنا يلتزم اللسان الصمت

---

صمت حين ينبغي الصمت

---

تدوينة موفقة

شـمو نشـادر said...

شعرك وخواطرك جميله ورقيقه ..
يا قلبى يا كتاكت ياما انت مليان وساكت ..
ديما جدتى كانت تقول كده ..
مدونتك جميلة ..
وعازمك على فنجان قهوه فى مدونتى المتواضعه ..
تحياتى ..
أسامة أمين

bastokka طهقانة said...

و هل للاسرار مكان اخر غير القلب؟!0
استمتعي باسرارك
بالتوفيق
اوروفوار

إبـراهيم ... معـايــا said...

حـلوة جدًا يا حمـامة ....
بجد والله ، دعيني أعترف أني منحـاز لكتاباتك أكثر من غراب ........
.
.
وخليني أقول إني كل ما أعدي هنا أكسل عشان ببقى مش عارف هقول لمين، اكتشفت دلوقتي إن ده كلاامك ..... وعجبني قوي

كل ما س أفعله ... إني أعاود القراءة مرة أخرى

تحياتي، وسلم قلبك وإحساسك

momken said...

الوقت قد حان

لا أستطيع الانتظار أكثر من ذلك
تعلمت منك كل شئ.. إلا الصبر

من أي شئ تخشين؟
انتهى أوان سماع الأغاني وكتابة الرسائل على أوراق ملونة
سئمت الكلام همساً.. أريد أن ارفع صوتي عندما أتحدث معك

رفيقتى مضى زمن الاسرار
واتى زمن السباحه ضد التيار

.............
البوست رائع يا حمامه
هايل بجد
وملهم جدا
مليان مشاعر وتحدى واحساس جميل

تحياتى

امرأة تقول الذي لا يقال said...

يا واد يا جامد ((:
ماشي يا ستي

حمامة said...

شهرزاد

ربما نخيفيها ليست لأنها مريرة
ربما لانها جميلة ونخشى عليها
من افواه الآخرين
منورة دايماً
:)


3abdallah 7osni

بقالك كتير مجتش عندنا
منور وان شاء الله يتجدد التواصل بينا


خبيب

احياناً نشتهى الصمت ف أكثر الأوقات التى يجب ان نتكلم بها

منورة كالمعتاد :)

حمامة said...

شـمو نشـادر

نورت للمرة الأولى
وان شاء الله اجى انا وغراب نشرب القهوة معاك
:)


طهقانة

بنفسك عندنا
يا سلاااام
منورة
اسعدنى مرورك عندنا والله
:)


إبـراهيم ... معـايــا

بجد دى شهادة منك اعتز بيها
ربنا يخليك على كلامك وذوقك
ويارب تنورنا دايماً
:)


momken

الله ع الكلام الجميل
ده احسن من البوست نفسه والله
نورت يا ممكن
ومادام ملهم يا سيدى
ورينا بقى


امرأة تقول الذي لا يقال

ياااااااااااا
اخيراً حنيتى عليا وزرتينى يا ست هانم
منورة يا دوندون
وسلامات :)