Thursday, July 24, 2008

حلم المرسم


في الصغر ... أتذكر كم كنت أكره حصص الرسم
لم تكن تمثل لي سوى راحة أو فسحة
بعيداً عن حصص اللغة العربية والرياضيات والعلوم

ولا أعلم لماذا ؟!
ربما لإجباري دائماً على رسم موضوعٍ ما بعينه
أو لأنني سريعة الضجر
والرسم يحتاج إلى وقت طويل
وتركيز قوي

كنت كثيراً ما أؤجل رسوماتي ... لترسمها لي أمي
ودائماً ما كانت ترسم لي وروداً
ثلاثة ورود .. طويلة .. رشيقة
ولا أعلم حتى الآن لماذا ثلاثة فقط !!

ورغم ذلك مازلت أذكر- تقريباً - كل مدرسي الرسم
الذين مررت بهم في حياتي

وفى الرسم ...
كانت الوجوه دائماً ما تمثل لي مشكلة
كيف أرسم وجهاً بالمقاييس الطبيعية
دائماً أنا أحب الحقيقة
فكم كنت أمقت الوجوه الهزلية الكرتونية تلك

و المشكلة الأصعب كانت.. كيف أرسم ؟
أو بمعني أدّق
ماذا أرسم ؟؟؟
فأنا لا أجيد التخيل أبداً ولا أحبه

و تدريجياً أصبحت أجيد إمساك القلم بعض الشيء .. وليس الرسم نفسه
ولكنني أجدت النقل
أنقل الرسومات كما هي تقريباً
ونادراً ما أرسم أنا شيئاً من خيالاتي ...

مؤخراً اكتشفت أن مدينتي بها مرسم
ففي العام الماضي كنت أمر به يومياً بالسيارة من الجهة المقابلة
أنظر إليه .. ثم أبتسم
ربما لأنني أردت يوماً أن أكون رسامة
رغم ضجري السريع
ولكنني كنت أستمتع برؤية أدوات الرسم
وخلط الألوان
أردت اختبار تلك المتعة يوماً

رغم ذلك ..
لم أفكر يوماً أن أذهب إلى هناك ..
أو حتى المرور من أمامه
بل فكرت .. أو لنقل حلمت
ولكنني لم أذهب قط ..

واليوم ... و في مواجهة الحُلم أمرّ
هذه المرة سيراً
ومن بعيد .. ها هن واقفات يتعلمن الرسم
أو ربما يرسمن بالفعل

في مواجهة الحُلم
لم أجرؤ على الجلوس أمامه
أو حتى الوقوف
اكتفيت فقط بالتمهّل في خطواتي قليلاً والتلفّت كلما ابتعدت
ربما لم أرغب حينها في إذلال الحُلم الذي لم أسعي يوماً لتحقيقه
بينما هن حققن ما أردن .. ما حلمن

ولهذا قررت أنا إذلال نفسي
بأن أمنعها تلك المتعة
ليس فقط متعة الرسم وخلط الألوان
ولكن متعة تحقيق الحُلم ذاته ...

اللوحة لفرانشيسكو دي جويا
( لوحة لنفسه )

26 comments:

نعكشة said...

مش عارفة صراحة تفسير ما قلتية
بس
حاجات او احلام كتير بنتخلي عنها عشان اسباب تافهة
او بلا اسباب
ليةمش عرفة
ربما لإحساسنا الذاتي انها لن تضيف شيء لينا
او احتمال انه صعب تحقيقة
او يكون حلم لمجرد لاحلام

عامتاً

اتمنى لكِ السعادة في كل حياتك
والوقت لسة مفاتش لو نفسك ترسمي
it's NEVER too late

دمتي سالمة

سلامٌ عليكي

محمد أسامة رسلان said...

غريبة دِه شوية :)

المفروض الحمامة هي من أكثر من يسبح في الفضاء الرحب ويعيش في الخيالات الواسعة

يمكن المشكلة عندك في الرسم بس، مش في إنك لا تجيدي التخيل

ولا إيه !

الفارس الملثم said...

عارفا يا حمامه انا استغربت وانا بقرا البوست ده لاني انا ببساطه زيك بالظبط , حصة الرسم كانت شئ مثقل علي قلبي

مكنتش بعرف ارسم الوشوش , هي الحكاية مش قدرة التخيل , فانا كنت بحب القصص اللي في كتاب القراءة واتخيلها , بس كانت المشكله اني اصف الاشياء الحسيه لاني مكنتش باهتم بتفاصيل الوجوه والاشكال ولغاية دلوقتي؟؟؟؟؟

اعجبني موضوعك اوي يا حمامه لانه يشبهني ممممممم

سلاممممممممممم

HeLsiNG said...

الرسم وسيلة وليس هدف
وسيلة للتعبير
اذا لم تجيديها فهناك العديد من الوسائل الاخري التى لا تقل شأناً عن الرسم

واعتقد انك بعد البحث عن وسيلة للتعبير عما بداخلك..اهتديتى فى النهاية للكتابة كوسيلة التعبير المفضلة ليكى وليس الرسم

صح...؟

دعاء مواجهات said...

تصدقى

انا كمان كنت زيك
بس كت برسم بقى

وعاملة فيها رسامة

رغم عدم اجادتى للرسم

بس كنت امسك الصفحة اقسمها3 واقعد اخطط واعمل فيها بيكاسو بقى

هههههههههههههههههههههه

فكرتينى بأيام جميلة

تحياتى..

نورتينى

Mahmoud البطراوى said...

الله يرحمك يا ابله نهى
معرفش انتى فين دلوقتى
ياما انضربت منك عشان مكنتش بجيب اساسا كراسه الرسم
طب واجيبها ليه وانا لا بحب الرسم ولا بعرف ارسم

لحد ما جه اليوم الى عملت فيه الحركه المفتكسه الى ريحتنى وريحتها

جبت جلده كراسه رسم فلما تعدى وتشوفنى تلاقينى معايا الكراسه


بوست رائع بجد

صاحب المضيفة said...

ربما كان الأمر كذلك عندي لكن ليس بدعوى الملل ولكن لأني ليست لي القريحة التي تبدع بهذا المجال


فأان أعتقد أن كل فرد منا له مواهبه وأفكاره وابداعاته التي يتفوق فيها على غيره

وأنا أعلم أني لست من أصحاب هذا المجال


عموما


بوركت ورزقك الله الخير والحق


تحياتي

bassma said...

ليه ؟؟؟ ده يبقي حرام ..

همسات دافئه said...

ليه!!!!!!
انا عكسك
كنت بعشق حصص الرسم
وبعشق ترتيب الألوان
صدقينى متعه
لما تلاقى ورقه بيضا قدامك انتى بس الى تقدرى تعملى فيها الى انتى عايزاه عالم ليكى لوحدك بتحددى خطوطه وألوانه وحدوده
وأجمل حاجه الوشوش ارسمى الوش الى بتحبيه وش حد غالى عليكى عايزه تشوفيه كل حاجه حلوه فى حياتك ترجميها فى خطوط وجمعيها وحطيها فى صفحه واحده قدامك ولونيها بكل الألوان الى بتحبيها وبعد متخلصى وتلاقيها قدامك...مممم احساس ميتوصفش:))
جربى
لازم تجربى:)

شيماء:)

ღϠ₡ღأمير الهدوءღϠ₡ღ said...

الررررررررررسم
دي كانت اجمل حصه بالنسبه ليه
وكنت اقعد والاقي زحمه حوليه

اياااااام زمااان

لا متخفيش الرسم جميل جدا
وانتي في البيت كده
جيبي كراسة رسم
وارسمي مواضيع من خيالك
احاسيسك
لونيها بالوان احلامك

حاولي تاخدي خطوه في حلمك هتتحقق ان شاء الله
تحياتي

محمد فاروق الشاذلى said...

أصعب عذابات الدنيا هى إغتيال الأحلام وهى عادة الطغاة من حكام الأوطان المقهورة، فلا تغتالى حلمك بيدك أطلقى له العنان ربما طار أعلى مما تتصورين.
أتركيه ولو لمرة واحدة ربما تحول إلى حقيقة مبهرة.
حاولى، فالمحاولة المتأخرة خيراً من عدم المحاولة على الإطلاق.

Lyssandra said...

إيه يا حمامة ؟؟

هيا حاله انا متخيلاها انك مش قادرة تروحي هناك وتققي الحلم ده

يمكن تردد

يمكن قلق

يمكن لأنه أمر جديد وخايفه ماتحققيهوش صح

مش عارفه بس انا فاهمه الحاله دي كويس

انما اللي مش فاهماه

((((((((
ولهذا قررت أنا إذلال نفسي
بأن أمنعها تلك المتعة
ليس فقط متعة الرسم وخلط الألوان
ولكن متعة تحقيق الحُلم ذاته ...)))))))

إيه بقي السادية دي ؟؟؟؟

ماتجيش علي نفسك كده

الأفضل انك تحسي انك مترددة أو خايفه من تجربة جديده

خايفه من فشل ولو انه مفيش مجال هنا لفشل الا في أضيق الحدود

لكن إذلال النفس ده بقي اللي صعب
ونقطه هاحسبها عليكي

خليني أشوفك علشان نتكلم


سلاااااااااام

lyssandra

في حب مصر said...

بصراحة مش فاهم.. يعني هل انتي بتعرفي ترسمي دلوقت ولا لسة زي الأول.. وهل بتحبي الرسم ولا لأ؟؟؟
عامة اتمنى لو عندك موهبة الرسم انك تستغليها لانها من المواهب القليلة الجميلة
تقبلي تحياتي

ساعد نسرين الايمن said...

مدينتي بها مرسم ؟
هو انتي من بنها ؟
اصل بنها بها مرسم

بس اكييد مهما كانت مهاراتك ف الرسم فان مهارتك ف الرسم بالكلمات اكبر بكثير
سلمت يداك يا فندم

قلب ينبض لله said...

طيب هو حد يطول يكون عنده في بلدهم مرسم

دي فرصه يايويو جربي ادخلي مجرد تجربه
وماتخافيش من حاجه
يمكن تلائي نفسك موهوبه وتنمي موهبتك
ساعتها بئي هاتبئي فنانه من كله:D

سلام ياجميل

حمامة said...

نعكشة

اسعدنى مرورك الأول
فعلاً ممكن يكون احساسى انه مش هيضيف
او ان الوقت اتأخر
هافكر ف نصيحتك
نورتى :)


محمد شمس الدين

لا
أيه :D

مش عارفه بس اعتقد المشكلة ف التخيل
يعنى ببقى مش عارفه ارسم ايه بالظبط

حمامة said...

الفارس الملثم

تعرف انا مكنتش بحب حصص الرسم اوى
لكن لما بتكون اشغال يدوية كنت بحبها اوى زى الرسم ع الأزاز اللى بجد شاطرة فيه الحمد لله وبحبه جداً

انا كمان بعرف اتخيل القصص جداً
لدرجة انى بحس انى عايشه جواها
بس المشكلة انى ببقى عايزة ارسم حاجة حقيقية
مش فانتازيا زى الكرتون كده
وبفتكر انها حاجة سهلة لما ارسم حاجة حقيقة لكن لما بحاول بفشل

بقالى شهر بحاول ارسم راقصة بالية مش عارفه :(

نورت يا محمد :)


HelSiNg

:)

صح
مع انى دى حاجة انوا اللى تقرروها
لأنى لحد دلوقتى مصرة انى مكتبتش حاجة لها قيمة

اسعدنى ردك جداً

حمامة said...

دعاء مواجهات

ماهو ساعات الواحد بتاخده العظمة كده برضه
وافتكر ان ف الآخر هتطلع حاجة كويسة
لكن نو وااااى

انا مبعرفش ارسم غير فراشات وورد
:)

انتى اللى نورتى يا دودو


بطوط حبوب

هههههههه

ضحكتنى بجد
لا مش للدرجة دى
انا كنت مؤدبة وبسمع الكلام هاتى اى حاجة اجيب على طول

شطارة شطارة يعنى :D

حمامة said...

صاحب المضيفة

نورت من جديد
وإن لم تبدع ف الرسم فقد أبدعت ف الكتابة
ربنا يكرمك

نورتنا :)


bassma

هو ايه بالظبط اللى حرام ؟؟
اكيد تقصدى الأذلال

يعنى تقدرى تقولى تعبير مجازى :D

حمامة said...

همسات دافئة

انا عارفه انها متعة
انا ليا شوية تجارب مش بطالة برضه
بس مش النتيجة اللى بتبقى ف خيالي
عموماً انا اكيد هجرب
واكيد هقولكوا وصلت لأية

نورتى يا شوشو :)


أمير الهدوء


طبعاً يابنى انت هتقولى

ما انت فنان قديم :D

إن شاء الله المهم اعرف ارسم حلم اقدر احققة

اصل انا بخاف من الأحلام :)

حمامة said...

قلب مصرى

:)

صح اكبر صح
ومينقالك ان حلمى ده مش سببه اغتيال
اعتقد لو فى اهتمام من اللى حواليا
كنت زمانى عارفه احقق حلمى

كلامك ده هيخلينى احاول :)


ليساندرا

كلها احتمالات
ياريتنى اعرف :)

ان شاء الله نلتقى قريب

حمامة said...

في حب مصر

بعرف بس مش اوى
بس نفسى اعرف ارسم حلو



ساعد نسرين الأيمن

ربنا يكرمك على كلامك الرقيق
بس انا مش من بنها :D
انا من حته قريبه منها

نورتينا :)


قلب ينبض لله

مشكلتى يا رودى انى مبعرفش اعمل حاجة لوحدى للأسف
بس هحاول ان شاء الله

ابقى خلينى اشوفك :)

shaimaa samir said...

السلام عليكم ورحمة الله وبركاته

يشرفنى دعوتكم لحضور حفل توقيع ديوانى الاول
اطياف الصمت

وذلك فى الثانى من شهر اغسطس
يوم السبت القادم باذن الله
الساعة 7
بمكتبة طلعت حرب


يشرفنى حضوركم جدااااا



يا حمامتى بقا السبت
لو مجتيش هزعلللل

سنووايت said...

وليه تعذيب النفس وجلد الذات
هل هو خوف او تكاسل
نا شايفة انه كان عدم وجود رغبة حقيقة في تعلم الرسم ودا مش غلط ولا عيب , يمكن يكونوا اللي في الداخل بيحبوا الرسم وبيعشقوه ولديهم الموهبة , مش عارفة بس حسيت ان النهاية فيها قسوة علي النفس وتحميلها اكثر مما تستحق.

حبي نفسك والتمسي لها الاعذار فهي تستحق يا ارق حمامة :)

""""" said...

فكرتينى
انا كمان مكنتش بعرف ارسم بس كنت بحب الرسم جدا
بس عارفه
انا مكنتش بعرف ارسم من خيالى شور طبيعيه
لكن ممكن اقلد صوره او انقلها بنفس المقاييس

يعنى هاتيلى لوحه وانا ارسمهالك تانى وتطلع صوره طبق الاصل

انما خيالى مش بيجيب مقاييس الرسم صح

بس كنت برسم مضطره فقط
عمرى ما جربت ارسم كهوايه

مع انى فعلا بحب الرسم جدا وكان حلم يراودنى من وقت للتانى انى اكون رسامه فعلا

بس معرفش ليه محاولتش
يمكن لانى مصدقتش انى ممكن اقتحم العالم دا
تقدرى تقولى كدا احباط

ربنا يوفقك

شهرزاد said...

حمامتي الرقيقة
ان لم تجد اناملك الرسم يكفي أنه يسكن بروحك الاحساس بالجمال
جمال الالوان ،جمال ابداع الفنان، فالفنان احساس قبل أن تكون لديه الأدوات
أعتقد سبب عدولك عن فكرة تعلم الرسم هو خوفك من أن يخيب أملك بموهبتك
أنا لو منك أروح وأتعلم ماحدش خسران حاجة
بس ايدك على 200 جنيه
وحشتني مدونتك وعذوبة كلماتك
دمتي بكل الود وحياة مليئة بأجمل الألوان :)