Saturday, November 8, 2008

اوعى تسيب ايدي

دايماً الناس تحكم على بعض بالظاهر
لو بتضحك يقولوا عليك انك سعيد ومرتاح
لو مكشر يبقى حزين ومحتاج شفقه منهم
لكن ميعرفوش ان احياناً لازم نبتسم ونضحك لو حتى ف عنينا دموع
واحياناً ف قمة سعادتنا نفتكر لحظات حزن عدت علينا
ساعات بحس ان اللى حوالينا بيحسدونا اننا اسعد اتنين
ميعرفوش اننا تعبانين .. اوى
بس رغم التعب ده كله مقدرش اقول انى مش سعيدة
انا سعيدة .. بيك
بس محتاجه اوى انى ارتاح ..زيك بالظبط
عارفة اننا بنمر بأوقات صعبة
بس لازم تستحمل
عايزاك بس تعرف اني هفضل جمبك وهستوعبك
وهطبطب عليك وهحاول اريحك
ممكن اكون فشلت ف ده الفترة اللى فاتت
بس اوعدك انى هعمل كل اللى اقدر عليك
بس اوعى تسيب ايدي

23 comments:

كاميليا said...

اوعى تسيب ايدى

جملة جامدة اوى
اوى

الحياه مش سهلة
علشان كده دايما محتاجين
نمسك فى ايد اللى بنحبهم
من غيرهم نتوه

ربنا يجمعكم فى الخير وعلى خير يارب
ويوفقكم وييسر لكم امركم
ويكتبكم من السعداء فى الدنيا
والفائزين فى الاخرة
يارب

كل الحب

رحــــيـل said...

أوعى تسيب ايدها ابدا ابدا

ربنا يخليكو لبعض
كل حاجه تهون فى الدنيا طول مانتوا سوى

يارب يهنيكوا دايما

تحياتى وحبى

كـــيــــــــارا said...

ربنا يعدي الامور علي خير

عمو said...

بس اوعى تسيب ايدي


ايوه كدة
بالظبط

تمام

اوقات صعبة... تعدى وانتوا مع بعض
اوقات سعيدة ....تعيشوها مع بعض

عارفين
حتى الخلافات ممكن تكون بحب
طبيعى جدا وجود الخلافات فى الحياة

بشكل عام يعنى مش انتوا
:)

لكن الحب بيخليها تعدى من على السطح
من غير ما تتوغل للأعماق وماتسيبش أى اثر ، لأنها هتعدى هتعدى

امسكوا فى ايد بعض قوى

ربنا يكرمكم
ويبعد عنكم كل شر


تحياتى

weswes said...

وعى تسيب ايدى
اوعى
اوعى
كله يمر و اى حاجه نوجها لكن اوعى تسيب اديها اوعى

اقصوصه said...

لو تركت ايدي

ممكن اضيع!!

ممتعه هي كلماتك

وجميل هو اسلوبك

تقبلي مروري:)

شهرزاد said...

رائعة يا حمامتي الرقيقة
ثلاث كلمات لها تأثير السحر
إوعى تسيب ايدي
أجمل شئ إن رغم المصاعب اللي بيمر بيها الانسان يلاقي حد يتسند عليه ويقوله أنا هنا حتى لو لم يستطع المساعده
وحشتينيييي بجد

بيسوو said...

:)

مكذبش عليكي..معنديش كلام كتير اقوله بس بجد نفسي كل حاجة بينكم تتم على خير

احلام اليقظة said...

فعلا لازم نحتمى ببعض
لازم نتسند على بعض

ولو سيبت ايدى
اوعى
اوعى
تفتكر انى هسيب ايدك
:D
الحب ربط ايدينا
بقاعدة خرسانية

مش ينفع تتعب وحدك
ومش ينفع
اتعب وحدى

وان وقفت الدنيا كلها ضدنا
لازم نتقوى ببعض
ونواجة

ربنا يسعدك ويقربكم فى الخير

احترامى وودى

امرأة تقول الذي لا يقال said...

يااااااه
ع الجرح

.-_أمير الهدوء_-. said...

اوعى تسيب ايدي
الكلمه دي معناها كبير اوي



تحياتي
:)

أحسن تـستاهـل said...

جمبك؟؟؟؟؟؟؟؟؟؟؟

تصدقي كده عيب
ههههههههههههههههه
ممممممممموااااااه
بهزر بهزر وربنا

مش عارفة ليه بحس اننا كل ما بنكتب كلمات قليلين بنقول كلام حلو اوي؟؟

مها ميهوووو

حمامة said...

كاميليا

ربنا يخليكي يا حبيبتى
تعرفى على المستوى العام
لو كل الناس مسكت فايد بعض اكيد هنكون احسن بكتير

ربنا يسعدك
منورانى دايماً :)



رحيل


:)
يارب



كيارا

ان شاء الله
اكيد بكرة هيكون احسن :)

حمامة said...

عمو


الحب يوم حلو ويوم مر بس برضه حلو


لكن الحب بيخليها تعدى من على السطح
من غير ما تتوغل للأعماق وماتسيبش أى اثر ، لأنها هتعدى هتعدى

بالظبط كده ومن الذكاء ان كل مشكلة يطلع منها اى اتنين بيحبوا بعض اقوى وبيحبوا بعض اكتر واكتر

مفيش مشكلة ان اى اتنين يختلفوا مادام فى حوار المشكلة انهم يبطلوا يتكلموا

حبيبي بيقولى كده :)


عموالعزيز نورتنا



weswes

انا عارفه انه اكيد ميقدرش :)



اقصوصة


نورتينا للمرة الأولى
ربنا يكرمك يارب
وان شاء الله مفيش ضياع ابداً
:)

حمامة said...

شهرزاد

أجمل شئ إن رغم المصاعب اللي بيمر بيها الانسان يلاقي حد يتسند عليه ويقوله أنا هنا حتى لو لم يستطع المساعده


صح
اهم حاجة انه يحس انه فعلاً هنا
كفاية المشاركة الوجدانية

وحشتينااااا
منورانااااااا
يارب دايماً كده :)


بيسوو

ابتسامتك نورتنا بجد
ربنا يخليكي يارب ويسعدك انتى كمان :)


احلام اليقظة

اكيد
الحب مش مجرد كلام حلو وبس
للأسف فى ناس فاكرة كده
الحب علشان يكمل ويستمر لآخر العمر
لازم نمر بأوقات صعبة كتير
الشاطر واللى بيحب بجد هو اللى يتحمل

:)

حمامة said...

امرأة تقول الذى لا يقال

جرح
بس مش عميق الحمد لله
:)


.-_أمير الهدوء_-.


اكيد
وعميق كمان مش كبير بس
منور يا احمد :)


احسن تستاهل


خير
الكلام ما قل ودل يا ميهو :D

حلالة العقد said...

أنا جيت أهه يا حمامه...طبعا أسلوبك رائع كالعاه..شوفى انتى احساسك عالى جدا والمدونه تحفه ..ربنا يسعدك ياربى ويوفقك ..بتمنى ليكى حياة سعييييييييييييده وأكيد هتعيشيها بس الصبر

shaimaa samir said...

فووووووووووووق
وتحت

هكذانسير على منحنى

اامل ان اعيش على سطر مستقيم فى السحاب


وحشتينى

صاحب المضيفة said...

اوعى تسيب ايدي


رائعة بجد جدا


وجميلة جدا


رنا يسعدكم ببعض ويريح بالكم ويطمنكم بكل خير يارب


تحياتي

قوس قزح said...

يارب ما يسيب ايدك مهما حصل

المراحل دى كلنا مرنا بها و بتعدى المهم تكونوا سوا و تصبروا


ربنا يسعدكم

شهرزاد said...

بجد ميرسي ياقمر
أسعدني للغاية تعليقك
وحقيقي يشرفني اني اتعرف على انسانه رقيقة زيك
ان شاء الله تنزاح هموم الامتحانات ونشوف بعض
دمتي بكل الود والمحبة

يمامة شاردة said...

ربنا مايجيب بُعد أبدا أبدا

امسكوا بعض أوي .. لآخر نَفَـس

و القادم....أجمل said...

أغلبنا بنحكم على الناس
بشكلهم
و دا إحساس مؤلم جدا

ربنا يجمعكم في الخير
و إن شاء الله
تكونوا سعداء على طول
:)