Tuesday, February 23, 2010

مواجهة






لم يعُد الهروب يُجدي مع الحنين
قتل الشوق حتماً يُميت القلب
وبما أنني اشعر بقلبي يُدمي ولا اكترث
فلابد من تطيب الجرح
إن لم يكن تواً .. فربما غداً او يوماً ما

***



مش عارفه هافضل اهرب منك لأمتى يا مدونتي
الدنيا وخداني سواء ف فرح او حزن
مبقتيش انتى اول مكان اجري عليه
عايزة احس انى عروسة وبجهز
عايزة ابقى تاجرة شاطرة
عايزة احب
مبقتش بعرف اعمل كل حاجة ف وقت واحد زي زمان
حاجات كتير تاهت مني ومبقتش العيلة الصغيرة اللى بتحب الورد
والفراشات ومؤمن وصفية وبس

وحشتيني يا مدونتي

وحشتوني كلكوا وفكراكو اسم اسم ومدونة مدونة

وحشتيني يا يارا

انا تعبانة بجد

7 comments:

Anonymous said...

أنا باجي هنا كتير بس مش بلاقيكي
وبجد فرحت إنك كتبتي حاجه
برغم كل الحاجات اللي قلتيها كون إنك واجهتي نفسك وكتبتي دي خطوة كويسه جدا
إحنا أغلب مشاكلنا فعلا بسبب عدم قدرتنا على المواجهة ، سواء مواجهة أنفسنا أو أي حاجه في المحيط اللي حوالينا
بالمواجهة هقدر على الأقل أشوف المشكلة قدامي وأقدر أفكر في حلول بعد كده
..
إيه الرغي ده
المهم ياستي اللي عايزه أقوله إنك محتاجه تستعيدي نفسك
إنتي مفقدتيش حاجه هي بس الحاجات تاهت منك بس المتغيرات اللي عايشاها
متحصريش اهتمامك في حاجه واحده واعملي لكل حاجه بتحبيها ومحتاجاها وقت ولو قليل
..
إبدأي يومك بدري بركعتين ضحى وقراءة ورد من القرآن والأذكار صدقيني هتحسي بفرق كبير في نفسيتك وتعاملك ..

خلي وقت معين لشغلك خلال اليوم مش كل ما يحصل فيه حاجه تقعدي وتشغلي نفسك كده هتلاقي كل اليوم ضاع وذهنك بقى مشتت ومرهقة
خلي ساعة قبل النوم متعمليش فيها أي حاجه أو تفكري في حاجات شاغلاكي ، كافئي فيها نفسك واسترخي واسمعي حاجه بتحبيها وشجعي نفسك إنك النهارده كان كويس وبكره هيبقى أحسن
وبعدين صلي الوتر واسمعي صوت حد بتحبيه ونامي .. هتحلمي بيا
على طول : )
محتاجين نحب نفسنا أكتر مش كده؟
..
مش عارفه أنا كده اتكلمت في اتجاه صح ولا لأ .. بس أنا فرحانه لأني بردو كنت محتاجه نفس الكلام ده وإنتي خليتيني أفكر بصوت عالي ..
..
والنصيحة الأخيرة شدي حيلك بقى واتجوزي بسرعه ..

وتعالي هنا دايما : )
..

حمامة said...

برضه مش بتكتبي الاسم
بس حسيت بيكي

حاضر ان شاء الله علم وينفذ يافندم :)

قلب ينبض لله said...

انتي كمان وحشتينا اوي يا يارا

ركزي في اللي بتعمليه ولما هاتنجحي في اللي بتعمليه هاتلائي نفسك تاني

النجاح هو من يعود بنا لأنفسنا :)

يارب تكوني دايما بخير وترجعي تكتبي تاني زي زمان

Anonymous said...

وحشتين
رغمانشغال ايضا

انساكابدا

ادعوالك

انتر دعوة الفرح


احبك


شيماء سمير

حمامة said...

رضوى

ربنا يخليكي يا حبيبتي
ربنا يوفقك ويتملك بخير انتى كمان


شيماء

والله بتيجي ف بالي كتير
انا كمان منتظرة دعوة الفرح

هجيلكم واحد واحد ان شاء الله :)

Hayam said...

انا كمان فكراكِ والله :(

رحــــيـل said...

:))
انا كمان برضه مشغوله فى تفاصيل حلوه كده
شوفى كل حاجه هتاخد وقتها ولما نستقر مع اللى بنحبهم اكيد هنرتاح وهتكون كل التفاصيل الكتير اللى شغلانه دلوقتى خلصت

ادى كل حاجه حقها ووقتها
انا كمان ببعد واقرب
بس فى ناس فعلا قريبين الواحد مش بينساهم
وانتى منهم

ربنا يتمملك بخير