Monday, February 18, 2008

عارف ... ؟

عارف ؟
قفلت باب القلب بالضبة والمفتاح
من بعد ما لقيتك
وياريتك
لقتني من بدري
عارف ؟
لما ابتسمت و قولت خلاص انا ماشى
وقولتلك انا ماشى
زعلت
سألتنى مالك ؟ وقولت مفيش
عارف
أصل انا خفت
بخاف تمشى
تروح مترجعشى
متفتكرشى
انى هنا مستنياك
تقولي ازاى أغيب وانا جواكي
هقولك عايزاك جوايا معايا
نسمة ف هوايا
عايزاك ف صمتي وسكوتي
ف حزني وسروري
عايزاك بسمتي .. ضحكتي
حزني ودمعتي
عارف؟
انا مش هسيبك
هتقولي بكره هنفترق
هقولك ومين عارف
ربك يعدلها
ولحد بكرة ده ما يجي
هفضل كده أيدي ف أيدك
معاك .. جواك
وراك وراك
و أعيش منك .. فيك .. وليك
عارف ؟
أكيد عارف
ولو مش عارف
أديك عرفت

6 comments:

و القادم....أجمل said...

عارفه
الكلام جميل أوي
معني قوي أوي أوي
احساسك صادق أوي أوي أوي

الكلام البسيط اللي من القلب
بنحسه بصدق و بنقراه بقلوبنا

ربنا يسعدك دايما
يارب

احترامي
:)

امرأة تقول الذي لا يقال said...

يا بخته يا ستي (:

الفارس الملثم said...

رغم بساطة الكلمات فقد تمكنت من خلالها الوصول للقلب تماما احساسك عالي جدا ..

رغم اننا احيانا نوقن بالفراق لاناس قريبين من قلوبنا فاننا لا نملك ان نمنع قلوبنا ان تنبض بالاشتياق اليهم علي امل ان تحمل الايام السلوي لقلوبنا

حمامة said...

والقادم أجمل

أسعدنى مرورك جداً

دنيا

اخيراً العروسة نورتنا بجد سعيدة بمرورك جدا جدا

الفارس الملثم

شرف ليا مرورك

ومفيش احلى من الكلام اللى من القلب مهما كانت بساطته

:)

أمير الهدوء said...

كلمات راااااااااااااائعه

بجد المدونه دي بدأت احبها اوي

الكلمات كل كلمه ليها احساس وشعور



تحياتي وتقديري
:)

حمامة said...

امير الهدوء

لك انت تحياتى لمرورك الدائم :)