Sunday, October 26, 2008

أقام الشوق في قلبي قصوراً .. فهل في حبهم حقاً نُلامُ ؟


" في فرق بأنك تحب حد وخلاص .. وإنك تحبه وتبقى عايز تعيش معاه عمرك كله "

الجملة دى انت قولتهالي اول مرة اتقابلنا بعد اعترافنا لبعض
يمكن ساعتها محستش المعنى اوي او سمعت الجملة وخلاص
الأيام دى فهمت معنى الجملة دى اوى

خليك جمبي
انا بيك
:):)

29 comments:

إنتظارات شاهقة said...

حمامه يا قمر انا اللى يسعدنى اتعرف عليكى

ايميلى على المدونة ضيفينى عندك

وميرسيه لذوقك

كنت حابه انى مش اعلق اول حد وخطيبك اللى يعلق
على البوست الرومانسى دة
فلو حابه تحذفى التعليق
مش هزعل يا جميلة

احترامى

كاميليا بهاء الدين said...

انك تحب حد وتتمنى تعيش معاه العمر كله احساس جميل

شعورك بانك تعيشى جنبه العمر كله

نابع من انك مش تقدري تعيش من غيره

جزء من كيانك .. لا تكتملى إلا بوجوده

ربنا يخليكم لبعض ويسعدكم يارب
يارب
يارب

تحياتى لقلب جميل

كأنني أنا said...

ربنا يسعدكم يا حبيبة قلبي :)

وتعيشوا مع بعض عمركم كله في حب وخير ورضا الله ...

وحشتيني جدا جدا

romansy said...

احيانا الانسان يحب بعينه الف مره فى اليوم يحب الشمس التى تبعث لها نورها
ويحب الورده التى تبعث اليه رائحتها
ولكن يوجد فرق كبير بين ما ينظر اليه بدون حبيبه وما ينظر اليه مع حبيبه
ما اجمل تلك المشاعر

كـــيــــــــارا said...

" في فرق بأنك تحب حد وخلاص .. وإنك تحبه وتبقى عايز تعيش معاه عمرك كله "

-----------

فعلا في فرق كبير اوي

ربنا يديم الحب بينكم دايما

سنووايت said...

الفرق هو انك "فعلا بتحبه"
كم اعشق حوار القلوب في هذه المدونة

حمامة انتي رائعه

basma saghir said...

عايزاكي تبقي سعيدة جدا وتستغلي كل لحظة انتي عايشاها دلوقتي وتحفريها في عقلك وقلبك لأن الاحساس اللي انتي فيه ده مش هيتكرر تاني ابدا

يارب تلاقيها دايما..السعادة طبعا يا بنتي :):)

(green eyes) said...

ايه الكلام اللي له الف معنى دا

بجد حلوة اوي الجملة دي

والاحلى لما بتتحس

----------------------------

تقبلي مروري

Doaa Ebrahim Aaql said...

إزيك ياجميلة
أنا حبيت الجملة دى أوى
لما قلتيها
ولسه فاكرة تعليقك كويس
عشان بجد تفرق كتير

.

الـحـب أن أعـيـش بـك/ مـعـك/ من خلالك

.

ربنا يسعدكو ويخليكو لبعض

بنت مصريه said...

اللى اعرفه يا حماما ان اللى يحب حد يفرح لما يعيش معاه
لكن يحب حد ويعيش مع حد تانى دى صعبه شويه
اتمنى تنورينى

Mahmoud البطراوى said...

طب امتى تحب ومتكنش عايز تعيش مع الى بتحبه طول عمرك؟؟

Mahmoud البطراوى said...

ربنا يسعدكم ببعض يااااااااااارب

Anonymous said...

من زمن مدخلتش علي مدونتك
كنت مشغول جدا الايام السابقة بس النهاردة انا دخلت وشوفت كلام جميل وحب اكتر

Anonymous said...

ايوه انا موافقة ع الجملة دي

فيه فرق كبير اوي

لان فيه ناس بيمروا ف حياتنا بنحبهم اوي
لكن مسألة اننا نكمل معاهم حياتنا بنفكر فيها شوية قبل ما ناخد القرار ده

ربنا يسعدكو


مها ميهوووو

Esraa Hamed said...

يا عم يا عم

يا بختك يا عم غراب
;)

يارب يخليكوا لبعض و يباركلكوا يااااااااارب

:))

حمامة said...

احلام اليقظة

ربنا يخليكي يا حبيبتى
وبعدين مش هحذف الرد ولا حاجة
ولا يهمك
الرد وصل من غير ما يتكتب :)



كاميليا

بيبقى خلاص انت وهو واحد
بيبقى هو انت مفيش اختلاف
ربنا يكرمك ويسعدك يارب انتى كمان :)

حمامة said...

كأننى انا

انتى كمان وحشتينى
بس الايام دى مشغولة شوية
بس ان شاء الله المرة الجاية تبقى مقابله على طول مش كلام بس
ربنا يخليكي ويسعدك انتى كمان :)
نورتيني بجد



romansy


اهاااا
انت كمان رحت على نقطه تانية مهمه
الدنيا متحسش بطعمها غير مع نصك التانى
منورنا لأول مرة :)

حمامة said...

كيـــارا

يارب وكل الناس ربنا يسعدهم :)


سنووايت

انتى اروع بكتير :)

حمامة said...

بيسوو

اكيد اكيد ان شاء الله :)
ويارب انتى كمان تلاقيها
منورانى


green eyes

اكيد
مفيش احلى من كلام القلب
نورتينى :)

حمامة said...

princess dodo

الله يسلمك ويخليكي :)
الحب ده انك تعيشه مع حبيبك بكل حاجة فيك وبكل حاجة تقدر تديها
الحب اكبر من مجرد كلام بسميه كلام عبيط :)


بنت مصرية

اكيد طبعاً صعب
لان ساعتها مش هيكون حب

حمامة said...

بطوط حبوب

منور اولاً :)

عارف امتى

ساعات في اولاد بتحب بنات بس عادى يعنى لو سبوهم مش مشكلة
او لو حصلت مشكلة يفترقوا بكل سهولة
من غير ما يحاولوا ولا يحاربوا علشان حبهم ده
هما ممكن ميكونوش بيضحكوا عليهم ولا حاجة بس ممكن درجة الحب جواهم مش كبيرة اوى علشان تكون دافع ليهم

فاهم ؟

ربنا يكرمك ويسعدك انت كمان :)



يا ابت انتى رأيت

يااااا
منور يا دوك
ربنا يكرمك يارب ويرزقك بالخير :)

حمامة said...

احسن تستاهل

صح جداً يا مها
وده اللى شرحته دلوقتى لبطوط
منورة يا سكره


Esraa Hamed

)وش مكسوف )

ربنا يكرمك يارب يا ايسو

Muslima said...

بجد جملة معبرة جدااااا
فعلا الفرق كبير اوى
ممكن الواحد يحب حد بس ميقدرش يكمل معاه
وممكن الواحد يحب حد ويحس ان حياته متبقاش غير معاه

ربنا يسعدكم يارب

Anonymous said...

فرق

يلهب الفكر


وحشتينى

عمو said...

مش تعيش معاه عمرك كلة كمان وبس

لأ
انك تديلة كل حاجة وعن طييييب خاطر

ويا سلام لو تلحقة قبل ما يطلب

الأحتواء... للأفكار والأحلام والإحتياجات
الرحمة والعطف والتضحية
والسندة وقت الشدة

حب بجد ، حب حياة ومشاركة
حاجات كتير هتعرفوها لما تعيشوا مع بعض
المهم امسكوا فى ايدين بعض قوى

:)

انا عارف انى باجى متأخر لكن معلش سامحونى

ربنا معاكوا يسعدكم ويخليكم لبعض

تحياتى

إبـراهيم ... said...

ربنا يخليكو لبعض

تحفــــــــة

***************

الغريبة إن الكلام ممكن يكون فعلاً عادي أو طبيعي بين مرتبطين، بس لما تحس إن حد بيقوله بقلبه، بتطمن

إن لسه الدنيـــا بخير


أتم الله فرحكم معًا

حمامة said...

muslima

اكيد
بس المهم انه يعرف ف الوقت المناسب
هو عايز ايه بالظبط

منورة :)



شيماء سمير

حقاً يلهبه
ان ادركناه

وانتى كمان
فينك كده :)

حمامة said...

عمو


الأحتواء... للأفكار والأحلام والإحتياجات
الرحمة والعطف والتضحية
والسندة وقت الشدة


اهم حاجة والله
وخاصة الأحتواااااااااء
يارب اعرف اعمل كده

منورنى ومش مشكلة التأخير المهم تيجى :)


ابراهيم

ربنا يكرمك يارب
منورنا من زمان مجتش

ربنا يسعدك :)

و القادم....أجمل said...

:D

جامدة
مش أي كلام يعني

ربنا يخليكوا لبعض
و طووووول العمر سوا يارب
في خير و بصحة

آآآآآآآمين