Thursday, November 13, 2008

فشل جديد


رغم أنني مدينة لكِ بوجودي .. وهو حقاً ديناً أثقل كاهلي
و رغم أنني أيضاً مدينة لكِ بسعادتي - الأفتراضية - ووجودى
مع من أحب .. ولا أعرف السبب حتى الآن
ورغم أنني كثيراً أسبب لكِ المتاعب
إلا انكِ كثيراً أيضاً تسببي لي الجرح
لذلك أود من هنا أن اعلن بكل أكتئاب وأحباط وخيبة أمل
عن فشلي الذريع في الحوار معكِ
أو التوصل لنقطة نلتقي فيها معاً
ربما خطئك
ربما خطئى .. وارد
ولكنني متأكده أنه خطأنا انا وانتِ
وها هو فشل جديد يُضاف لأخفاقاتي
!! فهنيئاً لي
:(

13 comments:

سنووايت said...

:(
لازم يكون فيه نقطة التقاء
دوري عليها كويس

كاميليا بهاء الدين said...

تقمصى دورها .. وانظرى من منظورها
ربما تقتربى من نقطة اللقاء
وتجدين المفتاح


اتمني لك كل سعادة

basma saghir said...

الموضوع ده بقى منتشر كتير ومش عارفة ايه سببه بالضبط

بس يمكن علشان بطلنا نسمع بعض..جايز علشان دماغنا الناشفة والعند اللي فيها وان كل واحد شايف نفسه هو اللي صح وبس والجيل التاني على طول غلط

كـــيــــــــارا said...

دوري علي اقرب طريق ليها الدور عليكي

واستحملي شويه

عشان مش تفشلي تاني

shaimaa samir said...

!!!!!

ما اعتدتك هكذا

انا حره said...

كتبتى اللى انا اتكسفت اكتبه فى بوست واكتفيت بيه فى اوراقى الخاصه بيا

للاسف مفيش نقطه بتجمعنا والغط فيا وفيها

بس هيا الاكبر

هيا الاحن

هيا اللى المفروض كانت تقرب من زمان

احنا الاتنين خسرنا

Rania Lelah said...

مشكله يعانى منها البعض و هو عدم ايجاد نقطة التقاء عدك فهم لمشاعر اطرف الاخر
عدم احتارم لوجهة نظر ربما تكون صحيحة
و لكنهم يخجلون من الاعتراف بخطئهم فيوجهون لكى كل انواع التعذيب النفسى حتى تصغرين لوجهة نظرهم هم الخاطئه و عندئذ يكون الانتصار

اول زيارة و معرفش كلامى له صله بموضوعك و لا لاء
بس انا فاهمة شعورك كويس جدااااااااااا

تحياتى

Lyssandra said...

مفيش إخفاق يا حمامه

في طرق وسبل لازم نسلكها

مش نستني من التاني انه يقدّر أو يحل المشكلات
أو يكون متفهم بطبعه

لو طريق مقفول نطرق أبواب أخري

كرري المحاوله وبصبر

لا تفقدي صبرك ولا ثقتك بالله

هي في نهاية الأمر الأحن عليكِ
وإن صدر منها ما يزعجك
فربما خوف عليك في المقام الأول

أظن أنها تراكِ الآن صعبة الرأي .. جامدة الفكر .. قاسية ولا تريدين سبيلا للتواصل

أتمني أن تكون كلماتك مجرد تنفيس لحظة غضب

وأن تكون الأمور علي خير ما يرام

---------

بصي يا حمامة

رغم أي شئ

مفيش مخلوق أحن عليكي في الدنيا كلها أكتر من الأم

جايز سوء تصرف .. لكن الغرض منه الحماية

شوية صبر ومحاولات تانيه وكل شئ يكون تمام

أرجو تبقي تطمنيني عليكي

------------

كل التحيه

Lyssandra

عازفة الكمان said...

انا عندي نفس المشكله بس اتكلمت مع نفسي ولقيت اني ممكن اكون انا الغلطانه بس هي عصبيه شويه بس اكيد لازم يكون في تنازل من الطرفين اكيد

حمامة said...

سنو وايت

بحاول والله
:)


كاميليا

حل ووجهة نظر حلوة اوى
مفكرتش فيها
دايماً منورانى كده


بيسوو

لا والله مش الفكرة ف العند
عارفه لو هما يربونا على الحوار اعتقد الأمور هتختلف وحتى لو اختلفنا ف يوم هيبقى اختلاف ودى
مش تقلب بخناقات وزعل

حمامة said...

كيارا

المشكلة ان احنا اللى لازم نحاول
فبيكون صعب احياناً



shaimaa

للأسف احساس الفشل ده ملازمنى
يمكن علشان كده مش عارفه انجح

وحشانى وعايزة الاقيكي :)



انا حرة

على فكرة البوست ده انا كتبته بعد المشكلة مباشرة يمكن لو كنت انتظرت شوية كنت فكرت وبرضه انا فكرت كتير بس كنت حابه اوى انى اتكلم وخلاص

على فكرة المشكلة تكاد تكون اتحلت
علشان كده عايزاكى تحاولى تانى

ولو تحبي احنا ممكن نتكلم واقولك تعملى ايه
نورتينى :)

حمامة said...

rania

اكيد له صلة
كل المواضيع قواعدها واحده وإن اختفلت الأشخاص
العذاب النفسى ده اقسى عذاب
بس تعرفى انا اللى بعمله ف نفسى :D

نورتينى واتمنى تتواجدى دايماً :)


lyssandra


كلامك صح على فكرة
وانا والله بحاول دلوقتى اعمل كده
وفعلاً كلامى كان ف لحظة غضب
ممكن لو كنت انتظرت شوية مكنتش كتبته
وانا كنت هشيل البوست
بس كنت حابه نتكلم كلنا سوا
يمكن حد عنده نفس الشعور واهو كلنا نساعد بعض

:)



rasha

بالظبط كده لازم كل واحد يتنازل شوية ونتقابل ف نقطه وسط

منورانى :)


على فكرة يا جماعة الموضوع اتحل الحمد لله
رحت اتأسفتلها وقولتلها بزعل منها ف ايه واعترفت انها ممكن تكون فعلاً غلطانه وقالتلى انا بضايقها ف ايه
وحضن كبير مع بوسة ف الأيد

الحمد لله يارب فترة التجربة دى تعدى على خير

:)

و القادم....أجمل said...

أحب آجي في النهايات السعيدة
:D
ربنا يسعدكوا
و يخليكوا لبعض
(f)(f)(f)(f)(f)